Хөгжлийн бэрхшээлтэй  зорчигчдыг өвчний төрөл байдлаас хамааруулан хэд хэдэн хэсэгт хуваах бөгөөд, үүнийг тээвэрлэгч нь AIRIMP кодоор ялган тухайн зорчигчийн захиалгад оруулах шаардлагатай.

• Тэргэнцэртэй зорчигч -WCHR
• Хараагүй - BLND
• Сонсголгүй- DEAF
• Оюун санааны бэрхшээлтэй-DPNA
• Дамнуургатай-STCR
• Угтан авч туслалцаа үзүүлэх-MAAS
• Тусгай анхаарал шаардлагатай -SP

Эдгээр код танд шаардлагатай бол манай Мэдээлэл лавлагааны тасаг /11-333999/ дугаарт холбогдон захиалган дээрээ нэмүүлнэ үү.

Дагалдагч:

Нислэгийн явцад өөрөө бие даан хооллох, ариун цэврийн өрөө орох чадваргүй зорчигчдыг нислэгийн турш асран халамжлах дагалдагчтай тээвэрлэнэ. Дагалдагч нь дараах шаардлагыг хангасан байна. Үүнд:

• Авч яваа чадваргүй зорчигчийнхоо эрүүл мэндийн нөхцөл байдлыг бүрэн мэддэг байх
• Нислэгийн туршид авч яваа биеэ даах чадваргүй зорчигчоо ариун цэврийн өрөөнд оруулах, нэг газраас нөгөө рүү явуулах зэрэг ажилбарыг ганцаараа гүйцэтгэх чадвартай байх
• Агаарын хөлгөөс зорчигчдыг нүүлгэн шилжүүлэх бол асрамжлан яваа зорчигчоо нүүлгэн шилжүүлэх чадвартай байх
• Дагалдагч нь 16 наснаас дээш насны насанд хүрсэн хүн байна.